الهدوء الذي تبع العاصفة

بعد النجاح الساحق الماحق الفاحق لمسرحية "جوازة صيف" إللي مثلتها انا واصحابي للفاينل بتاع كورس الدراما الكل تعاطف مع الجميع الا انا ... قولوا لي ليييه .. أقولكم .. أصل أنا كنت طالعه في دور بريئ جداً واحدة فوق الستين سنه بتروح تبوز الجوازه .. بذمتكم مش دي خدمه للمجتمع ! ..مش عارفه ليه الكل لما بقى يشوفني اللي يبوز ويطبطب على اللي كانت عامله دور العروسة واللي يديني شبشب هدية واللي يلوي بوزة ... والنبي يا جماعه معامله سيئة للغاية :'( آآه ياني يا متبهدله.. دي حاجه يعملوها لواحدة قد جدتهم :( ونبي غلبانه .. المهم انا بكتب البوست دا ليه صحيح ... آه إفتكرت .. أصل يا جماعه أنا خلاص إمتحانات الفاينل عقبالكم كلكم واحد واحد يعني .. يوم الأحد ... وعقبالكم كدا انا مقطعه الكتب من المذاكرة .. وأيه دفتر المحاضراااااات ملياااااان " ولا ورقة مكتوب فيها" يعني اديكم عرفتوا الموضوع .. فأني من موقعي هذا أتنحى عن منصبي كمدونه لمدة أسبوعين...لا مش اسبوعين هخليها اسبوع وشوية "وسبع ايام كدا" المهم انا هوريكم صورة واحد زميلي راسمها بجد عجبتني مووت .. أهداها إليً وكتب إهداء إلى تيته إللى هو أنا الست العجوزة يعني.. هو الوحيد اللي تعاطف معايا اصله طيب زي حلاتي المهم

اتفضلوا

فنان مش كدا ...عاملها بالقلم الأزرق الجاف

يللا سي يو سوووون

والمدونة مدونتكم يعني كأنكم في مدونتكم بالزبت .. حاطلكم اشعار لفاروق جويدة ..ممكن تتسلوا فيها لما تزهقوا ...يعني خدوا راحتكم وهاف فن ونيس دايز كمان يللا باي وادعوا لي : (