أول ما شفت الصورة دي مش صدقت عنيه انها مصنوعه من الشمع واتحطت في متحف الشمع أو متحف مدام تيسو اللي موجود في نيويورك في قاعة المشاهير سنة 2006
ودا تمثال لشيلوه نوفيل ابنة براد بيت وانجلينا جولي
وبكدا دي تعتبر اضغر طفلة يتم تمثيلها لشمع ....كأنها حقيقة مش كدا ...ياسلام على الروقان والفن ...وهنا بقى سؤال هل الفن روقان وراحة بال ..أم مهنه لكسب العيش والحلاوة او العيش بس للناس اللي عامله رجيم
في كلتا الحالتين معتقدش ان في مصر في روقان وراحة بال ولا مهنه لكسب العيش ..يبقى اكيد في سبب تالت يدفع الانسان انه يفنن ويبتكر ويبتدع حجات جديدة ..وإلا مكنش فيه في مصر فنانين بيقرفونا اقصد بيتحفونا بالتماثيل اللي بتتعمل منها ميادين ...بس ايه هو السبب الله اعلم !!؟
وهنا بقى ممكن نلفت نظرنا ان الناس دول ملهمش تااريخ اللي هم الغرب ...بس دلوقتي بيصنعوا لنفسهم تاريخ يعني دول ان شاء الله يعني بعد 1000 سنه مثلا هيكونوا زي الفراعنه كدا ..طيب والفراعنه هيروحوا فين ؟؟...هيروحوا في داهية ان شاء الله
المهم
دا كان نموذج واحد من نماذج متحف الشمع اللي له فروع كتيره بس هو في الاصل بريطاني لندني
واتطمنوا يا مصريين .. الهرم اتشال من عجايب الدنيا السابعه ... وانتوا كمان سنه هتتشالوا من خريطة العالم
ودمتم بصحه وهنا
هناك ١٣ تعليقًا:
تعرفي ان متحف الشمع المصري مقفول بقاله فترة كبيرة جدا
.
.
واخر معلومات كانت عندي انه كان فيه سبعتاشر تمثال بس
نصهم كان متكسر
.
.
لا والمرشد اللي شغال في المتحف كان حاطط حته قماش سودا علي وشهم
علي شان التماثيل حرام
.
.
من وجهة نظره طبعا
.
.
تحياتي ليكي والسلام
هههههههههههه
لا تعليق
عمااااااار يا مصر
how're you and your exams and studies, my dear?!!! :)
آدم المصري
تصدق أول مره أعرف أن في متحف شمع مصري ... وحلوة اوي مووضوع المرشد دا ... كويس ان فيه مرشد يعني بردو
بجد اسعدت قلبي
---------------
إيبيتاف
الحمد لله المذاكرة جامدة جدا والامتحانات لسه يوم 27 يعني قدامي فرصة اخيره للمذاكرة ..خير ان شاء الله
وبجد بجد منورااااااااني
متحف الشمع المصرى تقريبا كده زى المقلب وحاجه من بره ترد الروح
والهرم ممنوع دخوله للمصريين
اقولك حاجه
ان شاء الله املنا فى سعد الصغير انه يبقى من عجائب الدنيا
ليه الفن والروقان فى تغريبه
وليه يبقى الضمير الحر دا ضريبه
لان الدنيا مبتديش لمحتاجها
دى توعد فيه وتوهم بيه وتغري به
هو في الاول انا حاولت كتير اركز في الصوره عشان اعرف مين الناس اللي في الصوره لحد ما اكتشفت انها شمع
المهم تعليقا على الحضاره الفرعونيه القديمه دي عباره عن ماضي عتيق واهو راح في داهيه وعلى رأي احد الاصدقاء مره قالي يا ابني الفراعنه دول كل ما يلاقو حيطه يرسمو عليها دي حضاره دي اصلا
المهم احب اختم التعليق ده بالاغنيه العاطفيه :
لما تلاقي الجد في ايده حفيده والناحيه التانيه السبحه في ايده يبقى انت اكيد اكيد في مصر
روقـــــــــان
إحنا
مهو دايما العامين بتوع السياحة منورنا ومشرفنا دايماً ...وسعد الصغير طول عمره مشرفناوأركب الحطور درجن درجن..وأتحنطر
-----------------
حقي أهرتل
بجد كلامك جميل جدا ...ميرسي اوي على تعليقك بالأبيات الرائعه دي
وائل
الناس دول ممثلين في هوليود ..مش سمعت عنهم قبل كدا بجد ! المهم على الاقل بشخبطاتهم بيصرفوا علينا الحمد لله طبعا ...وكمان بالشخبة دي عملوا لنا منظر قدام الناس...ونشكركـ على الأغنية الرومنسية الرائعه
-----------------
رينا
وأي رووقان ... دا روقان يخلي الواحد يتروقن على وزن يتحنطر
فيه مثالين كويسين برضه عندنا زي مختار مثلا
بس ماتنسيش ان 99 في الميه من اللي بيدخلوا فنون جميله بيدخلوها علشان مالحقوش كليه تانيه
والواحد في الميه بيكتشف انه كان حمار لما دخلها بعد سنه واحده
وبيطلعوا نفسهم يتعينوا مدرس رسم من اللي بيدخلوا الفصول يقولوا اللي عاوز ياكل حاجه ياكل بس من غير دوشه
الفن محتاج روقان فعلا حتي الفن الحزين محتاج وقت تحزن فيه وده مش موجود في شعب مطحون
عندك حق احنا هنتشال من الخريطه اصلا
مش موضوع فن بس
كل حاجه
w enty mesh la2ya 3`eer mwdoo3 eltamaseel da ??? :D
howa fe eih 2sln kwys :)))
ma kol 7aga mnayla asasan :))
bs brdo ( masr OM eldonia)
جواد بري
تصدق فعلا معاك حق احنا عندنا اللي يدخل فنون جميلة ولا تطبيقيه يبقى يع ومش يدخل كليه تجيب له فلوس احسن والكلام دا يللا ربنا معانا
------------
كلمة
قولي انتي لاقيه حاجه حلوة في مصر هقولك شعبها الجميييييييييييل :ي
مصر ام وابو الدنيا وولادها كمان حد واخد منها حاجه
إرسال تعليق