فكرة تضحك اوي ان البنات اللي مش متجوزين يبررو عدم جوازهم بإمتلاكهم كلب
المقارنه دي شفتها في التليفزيون من كاتب اسمه عمرو ...مش فاكره لقبه
المهم نبدأ
اولا بالنسبه للسيدات "مميزات الكلب عن الزوج"
- الكلب لما بيحب بيحب بجد وبيقدر يعبر عن حبه
- الكلب بيسمع الكلام واللأه هي اللأه
- ودا غير ان الكلب ممكن يتجر بسلسله
- الكلب وفي عمره ما يخون
نسي نقطة مهمه هنا ان الكلب مش بيجيب فلوس للشوبنج ولا هدايا في الفلانتين وعيد الام وعيد الصحوبيه "أيوة دا عيد جديد"ودي اهم نقطه بالنسبه لاي بنت
ونسي كمان ان ديل الكلب عمره ما يتعدل
بالنسبه بقى للرجال ميزة الكلبه عن المرأه
- مفيش كلبه بتغير من كلبه تانيه
- مفيش كلبه هتقول له اتأخرت ليه بالعكس دب هتفرح بمجيته
- الكلبه مش بتعرف هو بيكلم مين في التليفون
مش ملاحظين انه كل كلامه ومقرنته على حتة انه عايز يكلم بنات براحته :d
وراكوا وراكوا مش هنسبكم لحد ما تبطلوا العاده الربش " ثقافتي الماني" دي
بس هنا نسي ان مفيش كلبة تطبخ له يعني هيقضيها دليفري واكيد اي راجل ميحبش كدا
وفي النهايه انا طبعا ضد مقارنه الرجل او المرأه بالكلاب لأن ربنا فضلنا عن الحيوانات بالعقل
بس الموضوع دا فور فن وخليك فرش دا احنا في رحلة
وانتظرونا في الحلقة المقبله مميزات القرود عن الاطفال
هناك ٣ تعليقات:
انا فى قمة السعاده انى اكون اول تعليق
والله الناس مش معاها فلوس لا للكلاب ولا للجواز
مش عارفة حسة ان موضوعاتك غير ملائمة خلاص لتصميم المدونة
بجد اسم المدونة رقيق
والتصميم كمان حلو جدا جدا جدا
بس انتى مفتقدة الموضوعات الكويسة
انا بقولك راى بصراحة بجد
انتى فى الاول كنتى بتكتبى حاجات احسن
مش عارفة ليه حسيت انى عايزة اقولك كدة
بجد متزعليش
انا اسعد يا احنا بجد
معاك حق هو حد لاقي ياكل
-------------------
الورده السوداء المدونه بتعتي مش مخلاياها لموضوع محدد اي حاجه بلاقيها على بالي بكتبها سواء كان ليها مغزى او لاء او كويسه او وحشه لاني احيانا بكون تعبانه من اي حاجه فبكتب حاجه لايت بعيد عن الاحداث او الانتقاضات او حتى عن الحاجات الغامضه احيانا كدا بحب اكتب اي حاجه تخلي اللي بيقرأ يحس انه طلع من موود الحزن او من مود الضغط اللي احنا فيه بس كدا وطبعا مش زعلانه لانك ليكي وجهه نظر وباصه لمدونتي بوجهة نظرك وان شاء الله اللي جي يعجبك
إرسال تعليق