الدكتاطورية في زمن الديموقراطيريه

الدكتاطورية وانا عارفه ان اسمها دكتاتورية بس انا حرة بقى دي مملكتي وانا حره فيها المهم.. إنك تكون دكتا"طور" في زمن ميعرفش الدمقراطية فدا عادي جدا وليجل جدا بس إنكـ تكون دكتا"طور" في زمن ديموقراطي فدا بقى اللي مش عادي ..الدكتا"طورية" عامله بالزبت كدا زي عميد الكلية بتاعتنا اد ايه الراجل دا دكتا"طور" دكتا"طور" بصحيح ...لو انقلبت قدامه قرد هينفذ اللي في دماغه ...حتى لو حاجه متاحة في الجامعه عندنا .. زي مثلاً إنك تعمل دروب لمادة دا شئ عادي جدا ومسموح بيه وله قوانين عندنا ... هو بقى دماغه وألف سيف إلا محدش يعمل درووب .. ليه طيب .. هو كدا ... الله يخليك طيب .. لا هو كدا .. طيب اعملي دروب وهديك شعر هديه تغطي بيه قرعتكـ .. لا بردو ..المهم في الآخر محدش فينا عمل دروب لأي ماده واللي عايز يسقط في الماده يسقط بس بردو مفيش دروب ...نيجي بقى لنسخه تانيه ...من كام يوم كدا لقيت خير اللهم اجعله خير سواق باص جي يقول لسواء الباص بتاعنا الدكتا"طور"بردو ودي بجد بقولها من كل قلبي ... ان ممنوع نشغل اغاني او ريديو في الباص ...... أن أن آآآن الصمت خيم على المكان والزمان ...أنا عمري ما عرفت كدا في مصر وفين في الجامعه كمان .. دا نصنا بيكون عايز يدخل جامعه علشان يحصل على بعض الحرية ... تروحوا حارمينه منها ...يالهوي لهذه الدرجة من الصفاقة يعني

الدكتاتورية ممكن تتمثل بردو في سواقين التاكسي اللي مش بيرضى يوصل حد لمكان ما ...تيب ما انت فاضي وشغلتك أنك توصلني للمكان اللي انا عيزاه وهدفع لكـ ...بس بردو ليهم حق يكونوا" دكتا"طورين"...أصل الدكتاطورية للجميع واللي مش عاجبة يخبط دماغه في اقرب حد ديموقراطي

هسئلكم سؤال مين إللي علمنا الدكتاتوريه ؟! منين جبناها بجد ؟! أكيد دا مش أصلنا .. لو مصر بقت دكتاتورية "لاسمح الله يعني" هل ممكن تتقدم ولو خطوة لقدام ؟؟ أنا ليا أعتقاد خاص جداً ... إن الأنسان بيقدم حسب المكان ما بيقدم له يعني لو هو مستريح في مكان هيطلع إبداعات عظيمه ... ولو مدايق ومش رايق وناس كبتاه .. اكيد مش هيطلع غير انفجار...حصلكـ إيه يا بلدي