النهارده آخر يوم ليا في الـ 17 وأول يوم ليـا في الـ 18 يوم عيد ميلادي مش عارفه ازعل ولا افرح ... بس عموما بكون متنشنه ليه مش عارفه ... يمكن بحس انه حدث ملوش اهميه ... يمكن بحس ان العمر بيجري وبيعدي واني عمري ما هفضل زي ما أنا ولازم هتغير...وعمري ما هستقر في عمر...واللي بيخوفني اكتر اني اكبر والاقي نفسي ضيعت عمري والاقي نفسي وحيدة والكل مش سائل عني ...العمر ده زي البساط "زي كده السجاده الحمراء بتاعت كان"كل ما تتني حته منه كل ما الواحد لازم يحط رجليه عليه اكتر...خايفه اكبر اوي ...خايفه بساط العمر ينسحب من تحت رجلي ...بحس اني بمسك في بساط العمر كل ما يقصر...لا مني عايزة اكبر ولا مني عارفه اوقف عمري...عمري ما تمنيت ولا حلمت اني اعيش لحد النهارده ...وكل يوم لما اغمض عيني احسه اني اخر يوم في عمري ...وكل يوم اكتشف ان مكتوب لي اعيش لأبعد من تمنياتي ...الحمد لله ...26-10
يوم زي اي يوم اتولد فيه طفل /طفله ...وأنا كنت واحده منهم
هناك ١٠ تعليقات:
كل سنة وانتى طيييييييييييييييبة
ليكى هدية بقى بلس لما نتعزم عالتورتة
بصى السن بتاعك ده حلو اوى
عيشى حياتك واتمتعى بكل لحظة
لان هيجى عليكى وقت تبقى نفسك ترجعى للسن ده تانى
بس بنكمل لقدام وبنتغير يوم عن يوم
كل سنة انتى طيبة تانى
تقريبا انا اول كومنت :D
kol sana we enty tayba ya gamil we 3o2bal 100 sana
enty lesa so3'nena aslan 18 bs :))
hope u fulfil all ur dreams we tetkhrgi isa :))
سفاح كرموز
وإنت طييييييييب ... انا مش جبت تورته لسه :(....أن شاء الله هحاول استمتع بحياتي فعلا وهتنش اي حاجه تدايقني...ميرسي ليكـ ... ومتنساش الهديه :$
--------------
ماعلينا
وانتي طيبه ياعسل ... أها لسه صغيرة الحمد لله ...يارب يختي يارب اتخرج واخلص من الضغط اللي انا فيه ده :(
منوورة
كل سنة وانت طيبة
وكل عام وأنت إلى الله أقرب ..
كل سنة وانتي طيبة
happy birthday to you
Amr
ميرسي وإنت طيب :)
-----------
لولا
وإنتي طيبه ميرسي :D
مش عارف بس بالنسبة لي
ما احب اعياد الميلاد
لكن اللي اقوله
كل سنه وانت اليك اقرب
ولله اقرب
بداية كل سنة وانتي طيبه
جميل ان الواحد يحس انه اخر يوم في عمره
بس الوحش انه يتمسك بالحياة لإنها ماشية ماشية
فعيشي الايام وعيشي اللحظة سواء كانت حلوة او مرة
صعيدى وافتخر : كل سنة و انتى طيبة يا قمر اظاهر انا جيت متاخر بس انتى اكيد شايلة نصيبى فى التورتة على فكرة يا باتى عاوز اقولك مش عارف لية مكبرة الموضوع و هاتكبرى و هاتصغرى ببساطة احنا اتخلقنا فى الدنيا ليا عمر هانقضية و لا هانقعد اقل منة و لا اكتر منة حاولى بقى تبصى لحياتك بنظرة امل اكتر من كدا لان اليوم اللى مش بنعيشة صح دا يوم عدى من عمرنا افتكرت دلوقتى جملة اتقالت فى فيلم اجنبى مش فاكر اسمة واحد عندة ستين سنة بيسال بنت عندها عشرين سنة بيقولها سنك قد اية قالتلو 120 سنة و انتى قد اية قالها ستين قالها انتى ازاى عمرك 120 سنة قالتلو انتا مش بتقول عمرك 60 سنة عيشت فيهم كام يوم ؟ الراجل سكت قالتلو عرفت ازاى انا عمرى 120 سنة و كل سنة و انتى طيبة مرة تانية
محمد
ميرسي ليك اوي :) وعلى دعوتك الحلوة
------------
وايت هيرت
وأنت طيب...ده مش تمسك بالحياة ...ده خوف من المستقبل :(
ميرسي ليك
-------------------
صعيدي وافتخر
اكيد منابك محفوظ بس كده...أم منا ان شاء الله ناويه اغير كل حاجه مش عجباني في نفسي منها اكتئابي المستمر وهحاول اتنش اي حاجه تدايقني ان شاء الله بالرغم انها حاجه صعبه عليا بس اهه هحاول :)
فيلم ايه ده علشان اتفجر عليه :$...منور
إرسال تعليق