أد أيش شعبنا وحش...بس أديش شعبكم أوحش "زميل سوري" هو مش قال وحش هو استعمل كلمه تانيه بس تبعا مش عارفه اقولها...زميلنا ده بقى صدمني صدمة مكنتش اتخيلها...قالنا ان في سوريا فاكرين المصرين مش نضاف في بيتهم ولا في نفسهم...وإن البنات المصريه مفيش اوحش من اخلاقهم وإن البنات ممكن هنا ترود عن نفسها لو واحد عجبها...وإن كل مصر "ديلرز" تبعا أنا سامعه دهـ وأنا متنحه مش عارفه أقوول ايه ...بس هو تبعا اقتنع ان صوابعك مش زي بعضها
--------------------------------------------------------------------------
دكتور عندنا مصري بيحكي انه بيجي عنده عامل صيانه ألماني ودايماً بيجي مصر يقعد يومين بتوب واحد ويرجع...فهو استغرب اوي ...وفي مره كانوا قاعدين بيحكوا سوا...فسأله إنت ليه بتيجي بتوب واحد دايماًً
قاله : علشان احرقه لما ارجع بلدي!؟
تبعا الدكتور اتصدم وقاله : ليه
قاله: عندكم هنا الريحه فزيعه مش بتروح مهما الواحد غسل هدومه
----------------------------------------------------------------------------
يا آنسة انا مره واحد خليجي ركب معايا وقالي انا مش جي مصر تاني ...ده كلهم شحاتين "سائق تاكسي"---------------------------------------------------------------
على آخر الزمن بقينا احنا ريحتنا وحشه وبقينا مش نضاف ...إحنا اللي علمنا العالم ازاي يلبسوا شبشب ...ولاد امبارح بيتريقوا علينا
وأنا مش هقول غير حاجه
احنا اللي سوقنا سمعتنا بنفسنا...عمر ما مصري لما سافر بره حاول يعمل من نفسه سفير لبلده ولأخلاق بلده...في السعوديه المصرين صوتهم عالي وبيتخانقوا مع دبان وشهم وبيحاربوا بعض ومش بيحبوا الخير لبعض وبينصبوا على الخلق وبتوع مشاكل وووووو أنا مش بعمم ولا بخصص أنا بقول المعظم كدا...والله نادر لما كنت الاقي مصريين عدلين ...لدرجه ان لما كنت اصاحب ناس سعوديين يستغربوا ان في مصريين كويسين ...بجد انا زعلانه على صورتنا ...صورتنا كل يوم بتختفي وبيحل محلها سواد وغبار..إحنا المصريين الشعب اللي كان معروف بأخلاقه وطيبة قلبه بقى ناو شعب بتاع مشاكل وشعب بيحب نفسه...ايه اللي حصل ...الاخلاق اتبخرت ولا كأننا ذكرنا في القرآن ولاكأننا شعب من احسن شعوب العالم...ولاد امبارح بقوا يتريقوا علينا
اللي يعيش ياما يشوف
هناك ٤ تعليقات:
صعيدى و افتخر: و الله معاكى حق يا باتى احنا اللى عملنا كدا فى نفسنا لان الحسنة تخص و السيئة تعم احنا اللى بعنا الهوا هية دى فهلوت المصرى تعرفى ان المصرى هو اول من اخترع تعليق العملة فى الخليج شوفتها بعنيا و انا هناك وطالما واحد عمل كدا يبقى الكل بيعمل كدا فى نظر الناس دا حتى لما بيجو مصر بيقولو احنا جايين بفلوسنا و لما نروح نشتغل عندهم انتا جاى تشتغل عندنا بجد بقى موضوع سخيف و سمعتنا بقت فى الارض بجد بس زى ما قالوها زمان لو كل واحد حب البلد دى و خاف عليها هانبقى احسن شعب فى العالم انا هاختم بجملة قالها نور الشريف فى فيلم مش قادر انساها مصر بخير يا ناس بقالها سبع الالاف سنة بتتسرق و لسة اهلها لاقين العيش ياكلوة تحياتى يا باتى و عاوز جايزة بقى انا كل مرة اول واحد يرد على البوست بتاعك :)
لا لا لا
اولا الف حمد الله علي السلامه
ثانيا :)معلش انا لسه واخد بالي بعد كام بوست اهو :)كنت عارف انك هترجعي
بس معلش انشغلت الفتره اللي فاتت
بصي يا باتريسا
لما شعب يشوف بناته شغالين بنات ليل لكل العرب ويسكت
لما شعب يتطرد من بلده علشان فلوسها رايحه لطبقه محدوده من البشر وسايبه للباقي الفتات
لما شعب يبقي مش لاقي ياكل عيش اصلا واكتر كلمه علي لسانه ياعم انا عاوز اكل عيش
لما شعب يبقي 99 في الميه منه مش موافقين علي اوضاعه ومافيهوش واحد في الميه بيتكلم
الشعب ده يبقي عنده عيب واحد يستحق يتحرق صاحي علشانه
السلبيه
صورتنا بقت بجد سواء بره او قدام نفسنا صعبه قوي
صعيدي وافتخر
مش عيب ان المصري يكون ذكي ولا عيب انه يدور على رزقه ...بس فعلا عيب اوي انه يوحش صوره ويدوس على كرامته
حادر هبقى انزل جوايز في الخطه السابعه عشر اللي جايه ان شاء الله ...وبعدين دي جايزة ليا انا
-------------------
حصان بري
مهو لو جت على السكوت بس مكناش بقينا وحشين اوي ...بس سكوت وتوحيش صوره اكتر محدش حابب يتعدل اوبشن التعديل ضاع مننا
منور
السلام عليكم
انا مسلم - عربي - سعودي
والله الى الآن وانا اتذكر جيراننا حسين و محاسن
وازاي اتعلمت كلمة كلبوز لما كان حسين يناديني بيها
او الاستاذ سامي عزت الذي لم يبخل علي بأي شيء
او صديقي عبد الرحمن ريحان او اسامه سعدون
او الدكتور خالد حسنين
او البروفسور جابر علام
او المهندس محمد
او الفني خالد خلبه
واحب اقول شيء واحد وهو
ان مش كل صوابعك سوا
وان عندكم امة عظيمه احبها من كل قلبي
واختم
مصر يا ام العجايب
شعبك اصيل والخصم عايب
خلي بالك من الحبايب
دول انصار القضيه
و
عظيمه يامصر
إرسال تعليق