صحيت الصبح ...الساعه 5 ...علشان أذاكر الكويز بتاع "البرودكاستنج"علشان نمت بالليل بعد ما رجعت مهدوده من الكورس...قريت النوتس بتاعتي...وأكتفيت بيها ... أتوضيت وصليت...وفتحت البلكونه ...وشميت نسايم الصباح بريحتها المميزه متفهمش دي ريحة تراب ولا معيز ولا ايه توليفه من الروايح بتعمل مزيج غني أسمه "نسايم الصباح" ...ورحت ألم الغسيل ... غسيلي الجميل ...مسكت التي شيرت اللي كنت مغرقاه معطر الغسيل وأنا فرحانه اني بعرف اغسل غسيل جميل كدا... وغمضت عنيا ..وأستنشقته على أمل أشم ريحة المعطر ...وآلاقي نفسي أشم عطر أحلى بكتير ...عطر نسايم المساء ده النيو ادشن لنسايم الصباح ...بس ريحته غنيه اكتر ....وعطست من جمال الريحه ...ومقدرتش أصدق نفسي...حسيت اني مش محرومه من حاجه .... نسايم صباح ونسايم مساء ...ونسايم المعيز ...حجات عمري ما حلمت اني اعيش وسطها...واللي يعيش ياما يشم ...أقصد يشوف يعني
هناك ١٣ تعليقًا:
ههههههههه
احساس جميل اوى
انا شمته قصدى حسيتة بكل وجدانى
شاركنا الشعب الأمريكى أحزانه على ضحاياه فى ذكريات سبتمبر/أيلول الأليمة
لكن دعونا نُذّكر العالم بالجرائم الأمريكية التى أرتكبتها الولايات المتحدة ضد أبرياء وأطفال ومدنين
شارك وأدعم فكرة تخصيص يوم 30 أكتوبر يوما للجرائم الأمريكية
أحمد الصباغ
هههههههه
طول ماانا بقرا البوست ده حسيت انه يمكن يكون اعلان على التليفزيون بتاع اي معطر بس بطريقة نسايم المعيز دي اكيد هيفشل
بس فكرة مش بطاله تدل على اد ايه الماده دي كانت سهله باين عليها
صعيدى و افتخر: ههههههههههههههههههههههه والله ما قادر امسك نفسى من الضحك يا باتى كل يوم واحد يثبتلى مقولة انا مسدقها اوى اول صفحة فى كتاب اسمة شكلها باظت الجملة هية ( انا من البلد دى ) معلش احمدى ربنا على الى شمتية اخوانا فى جزر القمر مش لاقين اى ريحة يشموها :d تحياتى
هههههههههههههههه
ايه القصر اللى انتى عايشه فيه ده
يابنتى حد طايل
انتى بتصحى وتشمى ريحة تراب بمعيز
انا بصحى بشم تراب بفراخ :D
I smell the things u says too nd cant figure the smell lol
rabna m3aki in Quiz
:))))
ahmed al-sabbagh
ههههههههه ...ميرسي ...ونعتذر من ريحة النسايم لو سببت لك ازعاج :D
---------
whit heart
بالنسبة للمادة كانت زي العسل والله وحلوة اوي .... تصدق فعلا ينفع إعلان لنورت مصر :D
----------------
صعيدي وأفتخر
كتاب شكلها باظت ده كتاب حبيبي حبيبي حبيبي ...مسلفاه لنص الجامعه :D
ومين مش من البلد ددي يعني
اها لازم نصدر شويه من النسايم بتاعت شركة مصر لنسايم الصباح والمساء عاونا واشفاقا مننا عليهم
بيفتهم كتير الناس دي
------------------------------
safa7_karmooz
ههههههههههههههههههههههههه
ريحة الفراخ دي بقت ريحة مألوفه عندي خالص ...بشمها كل يوم في الريحه والجيه
----------------------
ما علينا
ههههههههههههههه ادينا نصحتك وعرفت مكونات الريحة دي أي خدمه ...ميرسي حبيبتي على الدعوه الحمد لله كان سهل خالص
Please!
Send an email to the Brazil embassj your country and repor the injustice that the brazilian courts are making with this girl
Release on Flavia’s accident and status of the process.
The resignation is to stop the evolution. (David Santos in times without end)
Thank you
اولا كل سنه وانتي طيبه انا بجد اسف جايه متأخره جدا بس كل سنه وانتي طيبه ده غير اني اكتشفت انك صغيره بجدانتي لسه 18 سنه ؟
المهم كويس اوي انك بتغسلي وبجد موضوع حلو ودمه خفيف جدا
هههههههههههههههههههه
موضوع دمه خفيف
كل سنه وانتي طيبه
==========================
الامبراطوريه المفقوده
عالم مختلف
www.lost-empire.blogspot.com
loool .... rawaye7 elsob7 de BETEN3ESHNY 2a5er 7aga ... 2w gw elsob7 kolo
fekret (elsob7) 3andy mortabeta be ree7a zareefa :D
وائل وانت طيب
اها انا لسه 18 ...ياسيدي الصغير يكبر
منوووور
--------------
الإمبراطور
وإنت طيب ميرسي
--------------------
كلمه
هههههههههههههههه شكلك عندك كولكشن روايح رائع ...هنيالك يا سيدي
إرسال تعليق