اممم الاجازات دي بتروح عن الانسان في حاجات كتير اي والله ..ياما كنت بتمنى يوم الأجازة يجي وكنت افرح اوي بيوم الاربع وازعل اوي من يووم السبت ...يمكن مكنتش بعمل حاجه مفيدة في خميس او جمعه او اربع غير النووم ....بس بردو تحس كدا ان كلمة اجازة بتريح الاعصاب يعني لما تحس انك تعبان والدنيا سودة قدامكـ ..وحد قالك خد لك أجازة ...هتنبسط بمجرد سماع الكلمة ...دا اللي قررت اعمله اخد اجازة من الاجازة ... يعني هاخد يومين اجازة "يومين كنايه عن اكتر من كدا" مش هكتب فيها حاجه هاخد بس راحة من نفسي ومن تزاحم الافكار يمكن اعمل تصالح مع حاجات كتير في بالي ...اها بالمناسبه البوست اللي فات بعمل عليه تعديلات وهبعته تاني ..ميرسي اوي لكل حد علق عليه ...ان شاء الله هعدله واعلق ...يللا اشوفكم على خير ...وهاف فن ...وربنا مع اللي في امتحانات ... بالمناسبه أنا نجحت وجبت "A"
الحمد لله يعني بس مش عارفه ليه مش حاسه بالفرحه بس يللا خييير
هناك ٢٠ تعليقًا:
loooool ..alf mabrook
w ya rab kol sana
3la fekra ..ana mn moshage3een elagazat ...y3ni bera7tek 2wyyyyyyyyyyyyyyyyyy ...ana bashaga3ek 3l 5atwa da :))
الف ملياااااااااااار مبروك يا قمر و عاوزك تاخدى يومين استجمام بقى ريحى فيهم اعصابك عشان الفتنس بتاعك يرجع زى الاول الصعيدى
اولا مبرووووووووووووووووووووووووك على النتيجة....
ثانيا ...اجازة من الاجازة...ممممممممممم
طويب...بس المهم ترجعيلنا نشيطة من تانى ...ومتحمسة للتدوين....وحاولى تحلى المشاكل لو فيه مع نفسك
يعنى كوباية لمون ...مع نفسك...واقعدوا كده وظبطوا الموضع ...:)
مبروك على النجاح
بس إيه ده لحقتوا إمتحنتوا وخلصتوا والنتيجة بانت كمان
وهتخدي من الأجازة أجازة
وأنا لسه بمتحن
:(
اولا الف الف الف مبروك
وكدة هيا بس تلاقيها حالة ملل وهاترجى زى الاول واحسن
تعرفى انى كنت بحب برضة يوم الاربع والاثنين اوى
مش غريبة؟
كلمة
الله يبارك فيك عقبالكـ :))
ماشي يا سيدي عايز تخلص مني :'(
هحقق لك امنيتكـ
لووول
يللا اشوفكـ على خير ان شاء الله
-------------------
مجهول
الله يبارك فيكـ ميرسي...إن شاء الله ..ميرسي على الكومنت بتاعكـ
--------------------------
سفاح كرموز
أها دلع بقى :$ ...
إنت عارف الواحد بعد كل سنة لازم يعمل اب ديت لنفسه ..وماشي هاخد لمون بس على حسابكـ :D
amr
ههههههههههههههه ... شفت بقى...دي اخرة اللي يدخل فارمسي :p ....
ربنا معاك بجد ..
--------------------
الغزالي
الله يباركـ فيكـ...
فعلا زي ما بتقول كدا :(
يللا خير
إشمعنى الإتنين يعني ؟؟
أنا بحب الأربع والخميس والجمعه لأنه كان كورس أجازات ورا بعض .. :)
مبروك النجاح
عقبالنا ياااارب
مبروك ياقمر عالاجازة
وعالتقدير كمان
عقبالنا يارب
:)
هتوحشينا
الأجازة الأجازة الأجازة .. جميلة الأجازة .. أو بالنسبة لي كانت جميلة لاني زمان كنت بشوفها مرحلة انتقالية واستعداد للمرحلة اللي قبل كده اما دلوقتي وبعد ما خلصت كلية الحقوق أصبحت الأجازة هي الشيء الممل اللي بيحتوي على كمية فراغ طويلة مالهاش أي حل
انا مش قصدي اعقدك والله ولا حاجه .. عموما ألف مبروك على النجاح .. وعقبال ما تحققي كل اللي بتحلمي بيه
الف مبروك
وعقبال الرجوع من السفر والنجاح السنه الجايه
عاوزين نشوفك قريب
احمد
قبل اي حاجه الف مبروك على النجاح بس هو الراحه في مفهومها ايه بالظبط؟
اعتقد انها هي عدم كبت الافكار يعني سيبي الافكار المتضاربه تضارب بس افتحيلها الباب ما تحبسيهاش جوه معتقدش هتبقى مرتاحه واعتقد اني هلاقي بوست جديد عندك في المدونه بعد يومين بالكتير
مبروك تاني
هي ايه الفكره في ان الكومنتات لازم توافقي عليها الاول؟
مبرووووووووووووووووووووووك
مبرووووووك علي (A)
واجازه سعيده
مبروك وآسف انها متأخره
مع انى مش فاهم حاجة حاجة بس حاسس انه كلام له معنى و مؤثر و مبروك على الA
و عقبال ال
B
amr ahmed
الله يبارك فيكـ ميرسي...عقبالكم ان شاء الله
--------------------------
همسات
الله يبارك فيكي يا قمر عقبالك حبيبتي ان شاء الله ...والله التدوين وحشني فعلا ...بلا اجازة بلا يحزنون
-----------------------------
darsh
اممممممممم ربنا ما يجيب ملل ابدا ...بس احنا اللي ممكن نخلي الاجازة حلوة او ممكن نخليها ممله
----------
e7na
الله يبارك فيك ميرسي عقبالك ...إن شاء الله هدون قريب جداً ومجتش متأخر ولا حاجه-----------------
wael
الله يبارك فيكـ عقبالكـ ... بص الأجازة راحة بال ...ممكن الراحه بتكون في التعبير عن النفس ...بس بردو الاجازة يعني اشيل من بالي اي حاجه ...وبايني معرفتش اعملها ...بس يللا ... أها ان شاء الله هكتب تاني قريبا جدا ...سعيدة بردكـ
---------------------------------
مجهول
الفكرة اني الفتره دي مش هدخل كتير ... فمش عايزة يكونت في كومنت مش تمام مثلا وانا مش واخده بالي بس كدا
-----------------------------------
باربي
الله يبارك فيكي يا قمر عقبالكـ :)
محمود علي
الله يبارك فيك ميرسي
--------------
medical student
بجد كلامي مؤثر :D
تيب ليه كدا بس ربنا يبعد عنا ال b
A يعني امتياز
و B يعني جيد جدا
بس كدا ...:)
إرسال تعليق