لو كنتي ولد لمدة يوم تعملي ايه؟
يااااه دنا أعمل كتير اوي ...مينفعش اكتر من يوم؟؟
ماشي يا ستي اسبوع ...المهم هتعملي ايه؟
أول يوم : هروح السينما بالتاكسي وهقعد جمب السواق كمان ... منا ولد بقى وهدخل حفلة 6 وهفضل لحفلة تلاته اتفرج على افلام لوحدي ...منا ولد بقى ومحدش يقدر يقولي بم...وبعد ما أخرج ....أتمشى على النيل رايح جي وميمنعش اني اقف عليه ساعه ولا حاجه ..منا ولد بقى
طيب تاني يوم ؟
تاني يوم هخرج مع اصحابي خروجه مفاجأه وأقول لهم يللا بينا نطلع على اسكندرية نتمشى على البحر ونرجع ... مهو البيت مش هيسأل عليا اكيد ...منا ولد بقى
طيب تالت يوم ؟؟
أممممممممممممممم ...بصي هكون عايزة أرجع بنت تاني ...عارفه لما فكرت فيها كدا ...حاسه اني كدا احسن ...مش علشان أنا بنت ..بس ربنا عايزني اكون كدا ...تصدقي فعلا مش هقدر اعيش زي الولاد ...يمكن بيكون نفسي اعمل حاجات مش بقدر اعملها لأني بنت ... بس الحاجات دي مش تضاهي إللي أنا فيه ... جوهرة كتير يتمنوها ...منا بنت بقى
هناك ٨ تعليقات:
حياة الولاد مش صياعه بس ممكن اكون او يكون الولاد بشكل عام بيخرجو براحتهم بس خليكي عارفه ان في كميه مسؤوليات غير محدوده بتبقى على الولاد ودي مش مبالغه دي حقيقه وعلى رأيك كون ربنا خلقك بنت او خلقني ولد دي حاجه مش يضاهيها شيء ههههههههههههههههههههه او بالعربي مايضاهيهاش شيء
بالنسبه لريحه مصر انا عشت في السعوديه 13 سنه وكنت بزور مصر كل سنه في الاجازه وكنت بجد بحس ان ليها ريحه خاصه مميزه بس بعد ما استقريت في البلد دي حسيت ان الريحه المميزه دي هي ريحه وحشه ريحه الغلب بتاع الشعب اللي خلاص فقد ادميته
انا اسف للتطويل
تعرفي ان والله العظيم
كولد بتحاسب حساب الملكين في اي خروجة
.
.
والبنات اللي اعرفهم كلهم عادي الحياة بالنسبة لهم
.
.
لكن ارجع واقولك
انت كدا احلي
.
.
ههههههههه
سلاماتي
wael
اكيد مش صياعه وبس ..بس أنا كنت هعمل اللي مش بعمله وأنا بنت ... زي مثلا أني أدخل سينما لوحدي ..كتير بكون عايزة اعملها علشان محدش بيكون هيجي معايا .. لأن محدش بيحب نوع الأفلام اللي بحبها ... بس تبعا بخاف .. وكتير بيكون نفسي أمشي على النيل الصبح مش بلليل كمان بس بخاف بردو علشان "بنت" أصل مجتمعنا بيبص لنا أن كلنا صيدة وإننا كائنات ضعيفة وعلتول العين علينا :s :(
محنا بنات بقى
آآه شفت بقى أن في ريحة في مصر ... مش ريحة غلب .. إحنا إللي بنعرف إن الريحة دي كدا لما نعيش فيها ...ولا يهمكـ طول براحتكـ
تحذير : مش تتريق عليا يا إما هغرق مدونتكـ عياط أهه بقى :'(
آدم المصري
منور بجد ..مش عارفه بقى ... بس يمكن الإعلام موصلنا الموضوع دا كدا .. ويمكن أنا مش شفت معاملة أهلي للمواقف دي لأن أخويا صغير .. وهما بردو مش بيقولوا لأ على اي خروجه غير خوف عليا علشان أنا "بنت " .. أكيد كدا أنا أحلى علشان ربنا مختار لي كدا :)
موضوع جامد اوى
هيا فعلا حياة الولاد بتتمتع بقدر كبير من الحرية و الانطلاق بس بعد الجواز بيبقى عليهم مسؤليات كبيرة جدا من اول الفرح نفسه و تكاليفه لغاية الاولاد و مدارسهم و كلياتهم و تجوزيهم بيفضل طوول عمره وراه مسئوليات تقريبا
احنا باع الحمد لله معليناش الضغط دا
على فكرة لو كنت ولد كنت عملت زى الى قلتى عليه بالظبط فسح و اسكندرية و سينما و ضيفى عليها سباقات الطريق الدائرى
تحياتى
اها هما فعلا عندهم مسؤوليه جامده جدا مش اقدر استحملها ..مع إننا بنربي اجيال يعني ... بس فعلا موجو السباقات دي جامد اوي بس انا من النوع اللي بخاف "جبانه " وحتى لو كنت ولد كنت اخاف اعملها
نورتي يا قمر
والله يا باتريسا
لو جربتى حياة الولاد يوم واحد بس مش بومين حتقولى لا انا عايزة افضل بنت احسن
بحب السيما
ليه كدا بس ... أكيد كل نوع بيكون حياته ليها مميزات وعيوب ..أكيد يعني حياتكم مش عيوب بس
إرسال تعليق