-1-

أول تاج اتمرر لي من العزيزة ما علينا ... وبعد الإغراء بالشوكولاته ... إضطررت الى الخضوع والرد ....المهم يللا بقى .. ما علينا

انت مين ؟؟

واحدة بسيطه جدا

مين اكتر ست اشخاص بتحبهم ؟؟؟

سته قليل اوي ... أصل أنا قلبي كبير ويساع كتير لووول ...والله أي حد بشوفه مادام انسان كويس من جوه وقلبه نضيف بحبه-

هل انت سعيد ؟؟

الحمد لله ... أنا وصلت لحالة رضى عن كل شئ في حياتي .... ومش فارق معايا حاجه ... ربنا اداني كل حاجه الحمد لله...والرضى بيؤدي للسعاده-

لو اجتمعت مع حسنى مبارك فى مكان واحد هتعمل ايه ؟

:ي ... بحب الحكومه وبكره اسرائيل ... هتفرج عليه من بعيد لبعيد ... وهعمل توست لعمره الطويل :)-

لو معايا مليون و نص اعمل ايه ؟؟؟

حتى البخل ياربي في الاسئله كمان ... ما تبحبحها شوية قولي 10 مليون مثلا ... ولازم النص دا مينفعش واحد صحيح ..تيب ... هاخد نص ليا والباقي لأهلي ...يستاهلووا اكتر من كدا ... النص دا هشيل منه ذكاه ... والباقي اممممممم هكمل تعليمي بيه وهعمل رحلة حول العالم واول بلد اروحها دبي ..-

بتحب مصر ؟؟
مصر هي أمي نيلها جوه دمي ... عيب تسأل السؤال دا ... واجب عليا احبها ... دي ياما اديتني بلاوي ..وعملت فيا ياما ... يللا المسامح كريم -

انت مسلم ؟؟

الحمد لله-

ليه ؟؟

لأن الإسلام دا هو آخر الديانات وكل ديانه بتمهد للي بعدها وكفايه بس أن الرسول هو سيدنا محمد صلى الله عليه وسلم .. أعظم الخلق-

مين اكتر شخصية متقدرش تستغنى عنها ؟؟؟

عائلتي الصغيرة ... "مامتي وبابايا واخويا واختي" ... لو حد فيهم نقص مش بحس براحه

ايه اكتر موقف محرج ؟؟-

يااه كتير اوي ....وانا اصلا من النوع اللي بتكسف بسرعه ... بس هقول آخر مره ... عندنا في الجامعه زي مكان ضل كبير كدا خشب بيعملوا فيه الدي جي وكدا.... وكنت واقفه مع ناس معايا في الباص ومن ضمنهم واحد علتول بتخانق معاه على مواعيد الباص .. ناقر ونقير من الآخر ...المهم كنت بتخانق معاه خناقه على خفيف كدا وقلت له يللا مش فضيالك رايحه للبنات..لسه مخلصه الكلمة من هنا ومشيت بالزبت خطوتين ولقيت نفسي بقرب من الارض وببعد عنها واقرب من الارض وابعد عنها وفي الاخر استسلمت لحضن الارض ... وأتاريني عماله اتكعبل من مسمار لمسمار وكل ما امسك نفسي اتكعبل في التاني .. تخيلوا المنزر كدا يالهوي هههههههههههههههههههه .... اللي قهرني بقى محدش شفني غيره وهو من النوع اللي بيزيت في الزيته وبيقعد يعلق بقى .... قعدت ادعى عليه واقوله يارب تقع في بلاعه وانت ماشي او تقع في ميه مجاري...وبقيت بعدها كل ما امشي مع اصحابي في المنتقه دي اقولهم حاااااااااااااااااااااااااااااسبوااااااا المساااااااااااااااامير ... وشي احمر بجد من الكسوف :$

- الامنية اللى اتمنا تحقيقها ؟؟

رضى ربنا عني ... دي حاجه دينيه ... ولو حصلت هتتحقق كل الاماني الدنيويه

التاج باه يتمرر لمين ؟؟؟؟

ايه دا خلصنا L
تيب امرره لـ أمممم ..
Wael..e7na..
وهمسات و الوردة السوداء و سفاح كرموز و آدم المصري

وإللي بيدايق من التاج ومش عايز يرد عليه ليه الحريه التامه :)

واشوفكم على خير قريييب