وانا مسافرة امبارح ...شميت ريحة مصر ....بحس لكل حاجه في الدنيا ريحة معينة ...زي اسكندرية ومش شرط مدن ممكن ذكرى ..ممكن تشم ريحة برفيوم تفتكر مكان معين او مواقف معين ..انا مثلا لما بفتكر اول شهر في الجامعه بشم علتول ريحة مميزة مش عارفه ايه هي .... الروايح عموما يمكن احنا اللي بننسبها للمكان ...علشان لو مش افتكرناها بالصور ممكن نفتكرها بريحة ... زي كدا اغنية ممكن تفكرك بيوم حصلكـ ...أو أيام معينه ... أو موقف معينة ... الناس بتحاول تفكر نفسها بحاجات معينه...زي مثلا لما بشم ريحة جونسن بفتكر اخويا وهو صغير ..ولما بشم ريحة برفيوم سيلين بفتكر ايام الثانوية ....بس بردوا في حاجات مش محتاجين حاجه تفكرنا بيها...أحلى حاجه ربنا اداها للإنسان مخه والذاكره بتاعته ...يمكن احيانا بتكون سيئة بس ربنا حلها بالنسيان ...وعلى فكرة مش شرط الانسان بيعلم لنفسه كل ذكرى بريحه ... يمكن بيعلم لنفسه ذكرى بإنسان ... زي مثلا لما كنت بشوف صاحبتي اللي في ثانوي افتكر ايام الثانوي وكدا ....وممكن بأغنية زي ما قلت ... أعتقد ان الموضوع دا بيعتمد زي ما التنمية البشرية بتقول...إذا كنت سمعي ولا بصري ولا حسي ... عارفه يا مصر برغم اني مدايقه وانا كنت فيكي ...وحشتيني
هناك ٨ تعليقات:
لعاشر مرة هقولك
لما اخلف بنت
هسميها باتريسيا
الاسم عجبنى جداا
المهم
تسافرى وتيجى بالسلامة
وعلى فكرة حسة ان كتابتك اتغيرت لما سافرتى
بالنسبة بقى
لموضوع الريحة
انصحك تقرى رواية العطر
او تدخل عند مدونة احمد مختار عاشور بجد
كلامك بجد مسنى اوى فى وحاجات بتحصل فعلا
سلام ياقمر
أنا غيرت لينك مدونتي
فعلا
فى حاجات كتير بتفكر الواحد بحاجات كتير
ربنا يخليكى لمصر :) وميحرمهاش منك
تحياتى
اولا :مبروك على انك خلصتي واسمحيلي اسأل انتي في كليه ايه؟
ثانيا : تروحي وترجعي بالسلامه
ثالثا : مابقدرش امسك نفسي من الضحك لما بقرأ حاجات زي مش اقدر ومش انسى ومش افتكر عشان بحس ان الطريقه دي لذيذه اوي عشان انا اللي اعرفه ان الطبيعي هو مبنساش وما افتكرش وكده يعني
رابعا : بوست جميل بس هو ايه هي ريحه مصر بالظبط؟
خامسا : معلش عشان طريقتي البايخه بس عندي امتحان بعد بكره وفيوزاتي كلها ضربت
الوردة السوداء
حلو اوي ان الأسم عجبكـ بجد...وربنا يرزقكـ ببنت زي العسل تسميها باتريسيا وتدلعيها باتي...الله يسلمكـ يا قمر ...ويمكن الله اعلم...فعلا دخلت عليها وبيقولوا على الروايا كمان تحفه بس مش عارفه اجبها منين او اسم الكاتب ايه
ميرسي اوي على زيارتكـ
--------------------
إمرأة تقول لا
مبرووكـ يا قمر
----------------------------
break
ميرسي على كومنتكـ الجميل
-----------------------------
Wael
الله يباركـ فيكـ أنا في إعلام...الله يسلمكـ ... ثالثاً بقى بجد هههههههه أصلي اقولكـ ليه ... أول ما دخلت النت كنت علتول بقرأ الإنجلش المعرب كل اصحابي بيكتبوا بيه انا الوحيدة اللي بكتب عربي لحد دلوقتي فقيت متعوده على طريقه مش :$ بس كدا ...ريحة مصر كدا مش عارفه اقولكـ لما تسافر وترجع مصر اول ما تخرج من المطار هتشم ريحة هي دي ريحة مصر...وربنا معاكـ يارب
zaman kont ba2ol nasf el kalam ... re7et maser .. tab3 ahlaha... bas lama a3ed feha el sanady 7aset enha mesh nafs el balad elly kont bashofha fe el sef aw yemken 3alshan 3ereftaha awy maba2etsh belnesbaly 7aga momayaza,,, koyes enk 7asety bekeda raga3tely el2amal eny lam asafer tany lesa hatew7ashny ba3ed kol elly 3amaleto feya...salam ya 3asal
لولو حبيبتي منورة بجد يا قمر ...بس اكيد في فرق بين مصر واسكندرية ....ويمكن زي ما انتي قلتي علشان اتعودتي عليها ...الانسان فعلا ممكن يغير وجهة نظرة في الحاجه لو حفظها واخد عليها...ومش تقلقي مهما كانت بلدنا وكنا بنتمنى اليوم اللي نرجع لها ...
ربنا يكرمك يا رب ويحفظك
:)
انا كمان بحس بنفس الشعور
بحس سعات ان الانسان مش بايده يختار لان الروايح دي حاجة كده في طبيعة الأشياء
تحياتي من ماناساس البلد
إرسال تعليق