Sometimes...
when you cry...
No one sees your tears.
Sometimes...
When you are in pain...No one sees your hurt.
صعب اوي لما الواحد بيحس بشعور جواه ومش بيقدر يتلعه لحد...دايماً حزني يكون جوايا...وفرحي يكون معايا في كل حته ولما افرح احاول اوزع فرحي...كنت دايما استغرب ليه كل اللي يعرفني يقول عليا كتومه!!وإني بير غويط على حد تعبيرهم ...بجد بتغاز اوي لما حد يقولي كدا...مش فاهمه كتماني بيوصلهم ليه؟...يمكن بعض المبادئ إللي بستعمها في حياتي بتدي الانتباع دا...يمكن لأني مش بحب اشارك حزني مع حد...بحب اشاركه مع نفسي بس...يمكن مش بحس براحه لما بتكلم
في بعض الاحيان ...لما بكون متدايقه من موقف ...برجع الشريت لورا...وبعمل بوز...وافضل افكر كان ايه اللي ممكن يغير الموقف دا...واروح عامله الموقف من اول وجديد في خيالي بس بالرول اللي اديتها لنفسي...ولو زعلانه من شخص...بجيبه قدامي في خيالي تبعا...واقول له كل كلمه كان نفسي اقولهاله...دي التريقه الوحيده اللي بتخليني اهدى...علشان كدا ممكن اكون زعلانه من حد اوي اوي...وبمجرد ما اعمل الحركه دي ارتاح واهدىواصفى منه...الحياة في عرفي بسيطه اوي وصعبه اوي طول ما في ناس فيها متواصلين مع بعض...احلى حاجه التواصل عن بعد...الحاجات لما بنشوفها من بعيد...في كل الاحوال هتكون احسن من قريب...أنا مش مكتئبه لا...ولا متشائمه...أنا بس قعدت سنه اسمع الصبح واهزر مع اصحابي...واقعد ساكته طول الليل واسمع لصوت عقلي...ويمكن من كتر ما سمعت صوته...مبقتش اقتنع ان في حاجه في الدنيا ممكن تحبني اكتر منه....عقلي...دايما لما بشوف حد مكتئب مش بقول غير جمله واحده"الإنسان هو اللي ممكن يجيب الاكتئاب لنفسه وممكن يفرح نفسه فعلى ايه تكتئب وتدايق نفسك...الدنيا حلوة واضحك للدنيا تضحك لكـ"...علشان كدا بعمل سياسه بقول لأختي تعملها لما تكون متدايقه...وأنصح أي حد يعملها لما يكون متدايق...يوم ما تدايق البس الوان صارخه...ألبس ألوان زاهيه...اخضر اورنج اصفر ازرق ...أو إبعد عن الدواكن بشكل عام...على أمل ان الصورة الخارجيه تنعكس على داخلك...وعلشان كدا نادر لما حد يشوفني بلون اسود علشان نادرا لما كون في حاله تسمح لي البس دواكن...احيانا الواحد بيحس ان في انسان ممكن يخليه من منتهى الحزن لمنتهى السعاده...بس صعب اوي لما مش يلاقيه جمبه في وقت هو محتاج له...الحياة كل مادى بتكون اصعب واصعب علشان كدا الانسان لازم يقف جمب نفسه...لان محدش هيداوي جرحك غيرك ومحدش هيقف جمبك لو وقعت غير اللي بيحبك لنفسكـ...ونفسك دي هي اللي بتعلي وجودك وسط الناس
هناك تعليقان (٢):
Keeping ur sadness inside u is not a crime , sometimes it's for the best
dont get sad from people say ur katoma coz at the end not all people like to listen to other's grief or sadness
as long as u can figure out ur anger and sadness it's ok to keep silent but if it hurts more u gonna share it
دايما مقتنعه ان محدش بيحس بحد ومهما شاركك حزنك عمره ما يقدر يحس بنفس احساسك او حتى يتخيل مدى الوجع اللى جواكى شكله ايه
ده انطباعى دايما مش عارفه ليه
وجايز ده بيخلينى ساعات بميل لانى انعزل خاصه فى حزنى وده بيخلى كتير يقولى عليا كتومه
حسيت ان فى شببه بينى وبين الحاله اللى انتى فيها فى البوست ده
وبجد بدعى ربنا يفرج كربك لانى عارفه الانسان بيبقى حاسس بايه وهو لوحده وحزنه جواه
ربنا يفرج كربك ويكرمك يارب
محبتى
إرسال تعليق