حاله

احياناً لما ابص للمرايه وأتأمل في ملامحي ...بتيجي لي حاله ذهول او توهان ..مش عارفه

ايه الحاله دي ...بس بحس اني مش في العالم ...وببدأ أسأل نفسي...أنا مين ...وبعمل هنا ايه ...والدنيا دي ايه...واغمض عيني علشان اركز...وافتح عيني تاني ...ألاقيني لسه بنفس الشكل ونفس الملامح...الحاله دي على قد ما بستغربها ...على قد ما بتفوقني...بتفوقني على حاجات كتير ...بتخليني افكر في نفسي ...وأسأل نفسي إنتي هنا ليه ...وهل بتأدي واجبك؟؟...تيب يا ترى حاسه ان العمر بيجري ...وإنك من كام سنه كنتي واقفه قدام نفس المرايه...وكانت ملامحك اصغر من كدا...تيب يا ترى انتي شايفه انكـ إتغيرتي عن زمان...وتفضل الأسئله تيجي في بالي...وبحس اني إشتقت لأيام زمان ..واني لو رجع بيا الزمن كنت غيرت حاجات كتير

اشتقت لنفسي وأنا صغيره...لما مكنش في بال الواحد اي حاجه...كنت بعيش اليوم وميفكرش في بكره إلا لو كان في فسحه ومستني بكره علشانها...دلوقتي انا مش بستنى بكره...أنا بستنى الثانيه الجايه علشان مش عارفه جي فيها ايه...والمشكله اني لا بإيدي أرجع زي زمان ...ولا بقدر استنى الثانيه اللي جايه...مش بإيدي غير إني اقول"حسبي الله ونعم الوكيل"لأن بجد انا بحب الدعاء دا أوي ...ولما بقوله مش بقصد بيه حسبنه على حد أنا بقصد بيه بس معناه الحرفي...وعلى رأي

Forrest Gump
Life is like a box of chocolates...you never know what you're gonna get