احم احم...رجعت بعد غياب لفتره مش عدتها... هابي نيو ير اعتقد ده اول بوست ليا في سنة 2008 اللي انا متحمسه لها جداً جداً وان شاء الله السنة دي تكون سعيدة علينا وعليكم... اما بقى بالنسبة للبلوج انا بجد مش عارفه ايه اللي حصل ... انا فتحت البلوج كذا مره علشان اكتب بس مش عارفه كان ايه بيحصل يا اما اتكلم في الفون يا اما اسرح في التليفزيون يا اما اسرح على الفيس بوك كان لازم يحصل حاجه تخليني مش ادون وكان معظم الوقت بيكون عندي اكتئاب كالعاده فبفضل اني مش ادون ... بس اخر حاجه حصلت اني كنت خارج نطاق الخدمة بمعنى الكلمة ... كان النت مفصول والتليفون بايز والتليفزيون بايز وكل حاجه بايزة حاجه مأساه يعني ... ده طبعا غير البروجكتات اللي طلعت عيني والله بس الحمد لله ربنا مضيعش مجهودي وجبت امتياز الحمدلله ...وايه تاني امممممممممممم... اه ورحت السعوديه وعملت شوبنج ورجعت تاني لمصر الحبيبه ... والدنيا برد اوييييييييييييييييييييييي بجد انا متكتكه .... وعندي برد :( وزوري واجعني وبشرب 5 كوبايات شاي و5 ينسون و 10 بابونج وبنام 12 ساعه وبردو مش بخف ...عين وصابتني... وايه تاني اممممممممم ... أه ومامي وحشتني اوي وبابي واحشني اوي وشادي واحشني جدا :'(
وسلام ناو انا هبعت بوست تاني في القريب العاجل بس انا همشي ناو علشان هتفرج على فيلم رعب بأمر من اختي علشان انا بخاف جدا من افلام الرعب :(
وسوري اني اتأخرت في الردود بس المسامح كريم ومحمد وفؤاد وسي حسين وإلخ إلخ إلخ
هناك ٦ تعليقات:
حمد الله على السلامة :)
بياترس!!
عهدناك دائما تلقائيه كالزهره البيضاء
7amd alah 3la el salam ih ya benty el ghiba di
waiting for ur new posts isa :))
we salmtek ya 2amr
عمرو
الله يسلمك ميرسي
---------
ميرسي يا فاوست كلك ذووق
----------------
ما عليناااا
الله يسلمك يا حبيبتي ...معلش بقى المسامح انتي ...في القريب العاجل ان شاء الله...الله يسلمك البرد بدأ يخف شوية الحمد لله
اول زياره واتمنى ترديها
الورده البيضه دايما مشكلتها انها بتكون جميله لكن لو وقعت بتكون أسرع حاجه تبقى مش نضيفه طبعا مش فاهمه حاجه فكرى كتر وانتى هتفهمى ان شاء الله تانى حاجه ألف سلامه عليكى واتمنى نشوف تدويناتك وتشوفى تدويناتنا
تحيـــــاتى
المصــــــــــرى
المصري
طبعا فهماكـ ... الوردة البيضه لما بتقع على الارض بتكون ميته أصلاً...الله يسمك .. وإن شاء الله هرد الزياره
إرسال تعليق