لو فتحت التلفزيون او النيوز بيبر او حتى رفعت سماعة التليفون اكيد هتشوف وهتسمع وهتنهال عليك مشاكل ومشكلات وحاجات مكلكعه وهتخليك تكتئب اكتر ما انت مكتئب ولو فتحت الراديو على حظك الجميل هتلاقي سميرة سعيدة بتغني "عندي حالة ملل"...تيب تعمل ايه ...تقفلهم كلهم ؟؟؟!!! تيب ما انت كدا هتكتئب اكتر ... تيب بلاش .... تقفلهم كلهم وتيجي تدخل على الفيس بوك علشان تقعد تبعت في الوول بتاع اصحابك؟؟؟ ...هتفتح الوول بتاعك وهتلاقي مبعوت لك ان فلان الفلاني او فلانه الفلانيه ماتت ...يادي الاكتئاب .... تيب يا سيدي افتح الفن وول ..... هتلاقي حد ظريف باعت لك حاجه من اليوتيوب بتخضك ويتلع حد بيسرخ في وشك ويسرعك .... وإلخ إلخ من الحاجات اللي بتجيب لك الاكتئاب ...تيب لو قررت بقى تخرج و تركب تاكسي الله الله ....أسألوني انا على التكسيات...اكتر حاجه في الدنيا بتجيب اكتئاب ... أصله يا هيقعد يشتم في البلد ...أو يشتم في العربيات واللي سايقين .... أو يشتكي لك من ولاده اللي مش بياكلوا لحمه ونباتيين أه والله واحد قعد يشكيلي ...او يشغلك شريط يقلب عليك كل المواجع .... مره ركبت انا و3 اصدقائي تاكسي .... كان مشغل شريط مش عارفه جيبه منين ...شكله شاريه من حانوتي او اخده من عزا وهو مروح هديه ....مش قادره افهم بجد ...لدرجه اني انا واصحابي قلناله على جنب هنا ونزلنا ومشينا علشان مقدرناش نستحمل كمية النكد والاغاني اللي بتمغص البطن ....تيب نعمل ايه ؟؟؟ يعني مش معقوله كمية الاكتئاب دي ... وانا لما بكتئب ... بكتئب ... وأكتشفت ... إن الإكتئاب أبلكيشن بينزل مع كل طفل مصري ...علشان كدا الاطفال المصريه بتعيط بـ عاااااااء مش بـ واء وإن الإكتئاب جزء لا يتجزئ من العيشه المصريه .... علشان كدا لازم تبتسم في وش الاكتئاب علشان يكتئب ويختفي ويحل عن سمانا بقى
إبتسم فأنت في مصر ... إبتسم فأنت في سنة 2007 اللي مش عايزة تخلص وربنا ينهيها على خير
إبتسم فأنت في مصر ... إبتسم فأنت في سنة 2007 اللي مش عايزة تخلص وربنا ينهيها على خير
ملحوظة : هذا الموضوع جزء لا يتجزأ من حلقه الاكتئاب ... علشان أنا بحبكوا اوي وبحب مش أحرمكم من حاجه
هناك ٣١ تعليقًا:
شيء عظيم فعلاً ان الواحد يعرف انه مكتئب
بس خلينا واقعيين اكتر لو الواحد استنى ان الدنيا تتكرم عليه وتديله السعاده فينسى يده لإن الدنيا مش هتدي حاجة بل هتاخد ولو اديت حاجة صغيره هتاخد حاجة اكبر منها بكتير علشاان كده لازم احنا نسعد نفسنا لو فضلنا على حالة الاكتئاب ده مش هنخلص لإن زي ماانتي قلتي الاكتئاب ده ابليكيشن بينزل مع اي طفل مصري وللأسف احنا الشعب اللي ملوش كتالوج يعالج الابليكيشن ده
فانا هبتسم للموضوع الجميل اولا وهبتسم للطريقة الرائعه اللي حكيتي بيها المشكلة
وهبتسم علشان انا عارف الشريط بتاع سواق التاكسي
وهبتسم لإني مصري
تحياتي لحضرتك
وده بمناسبة الامتحانات ولا ايه
هي دي هدية الامتحانات
بس كله بيعدي
اولا السلام عليكم
ثانيا سؤال بيطرح نفسو كيف الاكتئاب وبينا كتاب ربنا " القرآن "
ثالثا الموضوع مهم وجميل وطريقة عرض رائعة" مهم لان فيه ناس كتيره فيه "
طيب نيجي نسأل نفسنا نعمل ايه في الاكتئاب ده قلنا القرآن الحل
طيب بردو فيه سعات بنبقى خلاص مش قادرين على اي حاجة
يبقى نحاول نشيل الاكتئاب من عندنايعني لما نفتح التلفزيون فيه 500 حاجة غير النكد والموت والقتل
لما نفتح الراديو في حاجات كتير بردو غيرها
نفس الوضع مع الجرايد بيبقى فيه اقسام كتير جدا
وبعدين الباب الي يجيلك منو الريح سدو واستريح لقيت حاجةهتجيبلك اكتئاب بلاش منها
ولو خلاص فاض بيك روح لواحد صحبك واخوك وحبيبك كده واقعد طلع عليه الاكتئاب الي عندك انت هتخف وهو هيشيل جواه لحد ما يجيلو اكتئاب راخر في يوم من الايام ويجيلك يرميهولك تكون ساعتها انت قادر تستحمل
وشكرا على الموضوع الرائع
الكتئاب
نوع من تطهر النفس
صعيدى و افتخر : بسم الله الرحمن الرحيم
اولا كل سنة و انتم طيبين بكرة وقفة عرفات يارب نقفها جميعا السنة الجاية يارب
اما بقى عن الاكتئاب فسألونى انا علية لية بقى ؟ لانى كنت بعمل دعاية على دواء اكتئاب شهير جدا و ياما شوفت اكتشفت حاجة واحدة فى الاخر :الواحد هو اللى بيتحكم فى المود بتاعة بمعنى انتى اللى بتحدد عاوز تبقى فرحان ولا زعلان و مضايق ..... الخ . تسدقو بجد احلى ضحكة فى العالم اللى تضحكها و انتا مهموم تحس ان فى جبل اترفع من على صدرك
اما بقى ملكة مملكة الورود فليا عليها عتاب و زعلان منها بجد
تحياتى و عيد سعيد و سنة سعيدة ان شاء الرحمن
كل سنة وانتى طيبة
وكل سنة وانتى لسه ورده بيضا ..:)
كل عــام وأنتم بخير
عـــيد سعـــيد
أعــادة الله عليكم بالخير والبركــات
تحياتى
زورونا تجدون ما يسركم .
قائمـة من الكتب الأدبية والثقافية والفكرية المتنوعة للعديد من دور النشر
تحت سقف واحد، وبأسعار لا تقبل المنافسة
وعيد أضحى ...كويس :)
leh el ekt2ab dah fel 3eed
howa el gaw mesed 3la keda bs mesh keda ya batresya lazem 7abet taf2ol shiwia
we b3den enty konty lesa katba 3an kioped we luv nd stuff khleeki fel khat dah we balash el ekt2ab
we kol 3eed we enty tayba
صعيدى و افتخر:
بابا نويل اختفى على قناة زوووم و مفيش هدية للسنة الجديدة قولنا ماشى انما وردتنا اللى كلنا بنحبها مش تكتب بوست تقول فية كل سنة و كل الناس اللى بتيجى هنا طيبين دا اللى مش نقدر علية
عموما مش تزعلو يا اصحابى باتى مشغولة فى الامتحانات و اسمحولى بالنيابة عنها اقولكم و اقولها كل سنة و احنا متجمعين كل سنة و احنا متفائلين كل سنة و كل واحد منا يلمس احلامة
تحياتى لوردة عطرها الزاكى لا ينضب ابدا
كل سنة و انتى طيبة يا باتى
كل مشكله في الدنيا بداية حلها انك تعترف بيها ماعدا الاكتئاب بداية الحل فيه انك تنكره حتى لو مكتئب
اصل يا باتريشيا البلد دي بجد بقت لا تطاق مش ممكن تعيشي فيها مستريحه بس هل هناك حل اخر؟
الهجره والهبل ده مبقوش حل بقو مسكنات مجرد دفن راس في الرمل واشكرك عشان كئبتيني
7elow awy mawdoo3 el ekte2ab applicatoin dah. w bekeda yekoon el tefl el masry nab3'a fel ekteb2ab w yekbar yoom 3an yoom w tekbar gowaah elmawoheba deh w yeb2a proffesional 3ala senn el 20 keda. w ba3deen ba2a yeggawez fa yeb2a el ekte2ab mawheba w tonnama kaman bel mashakel el yawmeya..w yegeebo atfal mokta2been zeyada yewaraslohom 7'ebraatoh.
اكتأب انا شايف ان الكلمة دى قديمة اوى وبطلت من بعد حرب اكتوبر المجيد
دلوقتى بقى في كلمة جديدة اسمها اليأس التطور الطبيعى للكائن المصرى
صعيدى و افتخر : باتريسا كدا يا جماعة بقالها اكتر من شهر مش دخلت البلوج يارب يكون المانع خير و يارب يطمنا عليها يارب
صعيدىوافتخر: لحظات الحب ..
هي اللحظات التي تخلد في أذهاننا وتحمل كل معاني السعادة
فلا تندم على لحظة حب عشتها حتى ولو كانت ذكرى تؤلمك
فإذا كانت الزهرة قد جفت وضاع عبيرها ولم يبقى منها غير الاشواك
فلا تنسى انها منحتك في يوماً عطراً جميلاً أسعدك
لا تهدم أبداً كل الجسور مع من تحب فربما شاءت الاقدار لكما يوماً لقاءاً آخر يعيد ما مضى
ويوصل ما أنقطع فإذا كان العمر الجميل قد رحل فمن يدري فربما ينتظرك عمر أجمل
وإذا قررت أن تترك حبيباً أو صديقاً فلا تترك له جرحاً فمن أعطانا قلباً
لايستحق منا أن نغرس فيه سهماً أو نترك له لحظة تشقيه
ما أجمل أن تبقى في روحيكما دائماً لحظات الزمن الجميل
فإن فرقت بينكما الايام فلا تحمل لمن تحب الا كل أحساس صادق
ولا تتحدث عنه إلا بكل ما هو رائع ونبيل فقد أعطاك قلباً وأعطيته عمراً
وإذا جلست يوماً وحيداً فحاول أن تجمع حولك ظلال الايام الجميلة
التي عشتها مع من تحب وأترك بعيداً كل مشاعر الألم والوحشة
التي فرقت بينكما فلأفضل أن يحاول المرء أن يقف بذاكرته
عند أجمل لحظة لقاء عاشها لأنها أروع بكثير من لحظة وداع وإفتراق
فــحـاول أن تجمع دفاتر وأوراق كل الكلمات اللطيفة التي قلتها لمن تحب
وكل الكلمات التي سمعتها منه
إجعل في ألبوم أيامك مجموعة صور جميلة للانسان الذي سكن قلبك يوماً
ملامحها بريق عيونها الحزينة
ابتسامتها في لحظة صفاء
ووحشتها في لحظة ضيق
والأمل الذي كبر يوماً وترعرع
حتى وإن كان قد ذبل ومات
وإذا سألوك يوماً عن أنسان أحببته فلا تحاول تشويه الصورة الجميلة لهذا الانسان
الذي أرتبطت به فإجعل من قلبك مخبأ لكل أسراره وحكاياه
فالحب الصادق ليس مشاعر وأحاسيس فقط بل أخلاق وقيم عظيمة
BaTresYa Hi
A beautiful place here!
Excellent post! You are Master.
Thank you.
have a good day
صعيدى و افتخر:
انتابنى القلق و بدء الياس يترسب بداخلى ترى هل ستعود وردتنا؟؟؟
looooooool
no comment .... asl ana 3ndy nafs elmarad
صعيدى و افتخر:
يمكن يكون كومنت مش فى مكانة بس حسيت انى لازم اقولة هابى فالنتاين داى تو يو
صعيدى و افتخر:
بالرغم من انى مثقفة و ذكية لابعد الحدود بس اول مرة اعرف انك ضعيفة كدا
ماعرفش كلامك عن الاكتئاب نتيجة موقف او نتيجة اية بس كل اللى عاوز اقولهولك حاجة واحدة
الشاطر فى الدنيا دى اللى يتعلم من مواقفة او من مواقف غيرة
تحياتى و يارب ترجعيلنا وردة مفتحة زى ما كنتى دايما
ضعيدى و افتخر:
من كتر ما دخلت و مش لاقيت توبيك جديد جالى اكتئاب بجد و لا املك سوى هذة الكلمات لاقولها
يالا سحرها و جمالها ذاك المكلل بالهدوء تلك التى يحيا الحياء بوجهها سرقت فؤادى واختفت فاستوطنت بدفاترى اطلالها
عم الشاعر فكنا و النبي من كلامك دا و لم نفسك المفروض إنك راجل صعيدي و بتفهم في الأصول و الأصول مبتقولش إنك تكتب غزل لواحدة بتعتبرك زميل تدويني وبس !
white heart
معاك حق ... عموما هي حالة وعدت :)
ميرسي على الكومنت بتاعك...
----------
عمرو احمد
لا الاكتئاب ملوش مناسبة ولا حاجه .. كل امتحانات وانت بخير
----------------
كينج مودي
ميرسي على النصايح الحلوة وربنا ميجبش لحد اكتئاب
-------------------
فاوست
لو زي ما انت بتقول كده يبقى نفسي اتطهرت ل 10 سنين قدام :)
--------------------------
صعيدي وافتخر
ميرسي اوي على الكومنتات دي كلها بجد انا اسفة جدا اني مكنتش بدخل بس الظروف كانت بتيجي ورا بعضها ...
--------------------------
سفاح كرموز
وانت بخير ميرسي
------------------------------
احمد الصباغ
وانت بخير ميرسي
---------------------------------
عمرو بوك ستورز
ميرسي ... وانشاء الله نزورك
ماعلينا
فعلا الشتاء بيجيب اكتئاب مع اني بحبه
كل سنة وانتي طيبه
------------
وائل
اهلا اهلا عاش مين شافك بجد...يو ار ويلكم اي وقت تكون فرحان فيه ابقى عدي علينا... زورونا تجدوا ما يسركم
-------------------
gjoi
حسستني ان مصر مصنع المكتئبين ... مش اوي كدا لسه فينا شوية تفتئل بردو
-----------------------
راسبونتين
لا لسه في ناس بتستعمل الكلمة بي انت مش واخد بالك
--------------------------
ديفد سانتوس
ديما مش فاهم حاجه في اي حاجه
-------------------------------
كلمة
فيينك بقالنا زمان مش شيفينك منور
ربنا يشفيك ويشفينا
----------------------------------
غير معرف
يعني انا مش قادرة افهم مين اللي ادالك الحق انك ترد على حاجه مش موجهه ليك ياريت كل واحد يخليه في حاله وميتدخلش في اللي ملوش فيه وهو يعني مفيش حاجه دفعتك انك تكتب غير كلام صعيدي وافتخر ياسيدي هو حر يكتب اللي هو عايزة اما حاجه غريبه والله
يعني حضرتك مبسوطة كدا و هو عمال يكتب في غزل و أشعار و عاجبك يعني ؟ مش عايز أبقى قليل الذوق بس و إلا كنت قلت كلام تاني!!
عموما.. دي أخر مرة هدخل البلوج دا... و عيشي حياة الإنبساط على الأخر في العالم السيبري واللي مش سيبري كمان وماله طالما الناس بتتغير للدرجة الفظيعة دي!
واحد غير معرف!!!!!
اولا انا مش شايفه انه غزل انا شايفه انه شعر ومش عيب ان حد يكتب شعر...ان كان عيب بالنسبة لك وحاجه يستدعي لها الكسوف انا بالنسبة لي شئ لا يمد للعيب بصله ... ثانيا ده بلوج مفتوح للجميع لا بجري ورى حد واقوله تعالى ونبي ادخل البلوج ولا بقول لحد متجيش تاني...براحتكـ ..وحياتي حاجه تخصني ومحدش له الحق يتدخل فيها
الاكتئاب ده بقى متعه في حياتي هههههههه هو الحاجه اللي مسلياني تخيلي!! :)))
http://3ala-do2-elqamar.blogspot.com
ماشاء الله ده انتي روحك حلوة اوي ... بس صدقيني في حاجات احلى من الاكتئاب بتسلي :D
اهو اديني بدور عليها هههههه
كان عندي شك في الموضوع ده وخفت لأكون متشائم وكده ... بس الحمد لله طلع فيه ناس تانية شايفة برضه ان جين الإكتئاب ده جين سائد في الشعب المصري.
شركة تنظيف بالرياض
شركة تنظيف منازل بالرياض
شركة تنظيف خزانات المياة بالرياض
شركة نقل اثاث بالرياض
شركة تخزين اثاث بالرياض
شركة كشف تسربات المياة بالرياض
شركة مكافحة حشرات بالرياض
شركة مكافحة النمل الابيض بالرياض
شركة رش مبيدات بالرياض
شركة جلي بلاط بالرياض
إرسال تعليق