الحب توبيا

الحب توبيا هي مدينة الحب التي سيتم انشاءها ان شاء الله تعالى في مدينة الاحلام ...زي ما يوتوبيا هي المدينه الفاضله..هتقولي ايه الفرق ..هقولك يا ذكي الحب توبيا تعود لأفكاري الرائعه ...واليوتوبيا تعود لأفكار افلاطون المتواضعه!!!بلاش اسئله ذكيه ...أما بقى عن الحب توبيا ...أساسي هيكون فيها مكيفات كرافت يعني ...وهي اليوتوبيا احسن من الحب توبيا في ايه ...الحب توبيا هيكون فيها ناس بتحب بجد ...ناس مش تعرف معنى الخناق او معنى الكره او الغدر او الخيانه او الانتقام...ناس متعرفش حاجه غير الحب ...في فيلم حب البنات اشرف عبد الباقي قال جمله حلوة اوي ..."معظم الامراض النفسيه كان سببها حاجه واحده بس ...الحب"...فعلا اي حد مريض من جواه وسيكو سببه الحب....ففي الحبتوبيا هتتلاشى كل االامراض النفسيه...

الحب توبيا...مدينه كبيره أول ما تدخلها تسمع اغنيه حد عايز قلب فاضي لمحمد منير ...وتلاقي جمبك كدا نانسي بتغني الدنيا حلوه واحلى سنين بنعشها واحنا يا ناس عاشقين ...وتلاقي كل الناس عمرها صغير مهو الكره اللي بيخلينا نكبر ونعجز ...كل ما دخل كره في قلبنا كل ما حسينا بعجزنا عن حب الناس....ومش هيكون هناك فلوس ...لالا هيكون هناك

Rate of Love

كل ما تحب اكتر ...كل ما تكون غني اكتر...يااه...دنا رحت بعيد اوي ...شكل اخرتي في مجانين توبيا ان شاء الله ...

الحبتوبيا لأي حد بيحب ولأي حد عايز يحب ولأي حد خايف من الحب ولأي حد إنجرح من الحب....وبأسعار خياليه تبدأ من جنيه وتنتهي لـ 10 جنيه وبالتقسيط المريح ...إحجز مكانك من الآن