صعب اوي ان تكون الحقيقه قدام عنيك وتغمض عينك وتتجاهلها...السنه دي اكتشفت حاجات كتير جدا...حاجات صعبه جدا...كانت قدام عنيا ومكنتش بفكر فيها...كانت جوايا مفاهيم غلط بس كنت مبسوته بيها وكنت مخدره نفسي بيها...كنت مديه نفسي سعاده وهميه ... الحمد لله على كل شئ... إداني مال وجمال...واحمد ربي عليه...واداني حاجات تانية كتير بردو ... بس عمر حد فكر يعني ايه مال وجمال بيجني على صاحبه كره؟؟؟ يعني ايه مال يخلي اقرب الناس ليك يبصولك فيه ويطمعوا فيه؟؟!! حد فكر يعني ايه تفرح لوحدك؟؟؟ يعني ايه تفرح لنفسك ومحدش يفرح معاك...يمكن يارب علشان بعدت عنك اخدت مني الرضى... للأسف اكتشفت اني لوحدي اوي ...ولو اشتكيت ودا لأن فاض بيا فاض بيا اوي اللي بشكي له بيتدايق... وعلشان كدا الشكوى لغير الله مذله...بس اديني بكتشف ...وأتاريني عايشه علشان بكتشف....قبل ما ادخل غرفة العمليات كنت بتشاهد لأني كنت حاسه اني مش هعيش تاني...لما فتحت عيني تاني حسيت بألم رهيب ربنا ما يحسسه لحد بجد... إتدايقت اوي...لأني كنت فاكره اني هستريح...بس للأسف لسه مش مكتوب لي الراحه...كنت فاكره ان الوحده صعبه...لكن اكتشفت ان الاصعب من الوحده انك تعيش في بيت مش عارف تقعد فيه لوحدك ولا عارف تقعد فيه برحتك...والأصعب من كدا انك تعيش مع ناس مش بيحبوك ومجبور انك تبتسم في وشهم...الدنيا بقت منافقه اوي ...ولازم تنافق بره بيتك وجوه بيتك ودا للأسف مش بعرف اعمله وعلشان كدا مش محبوبه من افراد كتير...أنا كارهه الدنيا كلها...ونفسي انسحب منها...وقررت اني انسحب من هنا من النت كله ... لأن دا اللي اقدر انسحب منه... الكومينت مفتوح واللي عايز يعلق براحته انا فتحت الكومنتات ...وآسفه اني دخلت حياة أي حد دخل هنا وحب المكان هنا وخرجت تاني...آسفه لأي حد اذيته بقصد او بدون ... آسفه لأاي حد دخل هنا وجاله اكتئاب....آسفه لأي حد...وأنا عن نفسي مسامحه أي حد قابلته على النت ...سلام ...: )
الاشتراك في:
تعليقات الرسالة (Atom)
هناك ١٩ تعليقًا:
صعيدى و افتخر : بجد بجد يا باتريسا اول مرة اشوفك ضعيفة كدا اولا الف سلامة عليكى علشان سامع غرفة عمليات و كدا ثانيا الدنيا كدا يا بنتى يوم حلو و عشرين وحش بس مش توصل انك تنسحبى منها لان الهروب مش لية فايدة و زى ما بيقولو كل مشكلة و ليها حل على فكرة انتى غلطانة لما تقولى مش بلاقى حد يفرحك معايا اظن ان كل الى بيدخلو هنا بيبقو مستنين الموضوع التانى بتاعك معنى كدا انهم بيحبوكى على قد ما فى كتير وحش فى الدنيا على قد ما فى حلو اتمنى انك ترجعى عن قرارك دا لان بجد حرام علينا اننا نتحرم من واحدة زيك مش فى منها كتير فى العالم و كفاية بس انى اقولك وحشتينا فى الفترة الى غيبتى فيها دى و يارب تكونى بخير و ترجعى تمتعينا بكتاباتك و ترجعى لينا لاننا مش نقصد نتستغنى عنك
أحببت كتاباتك ..
فلا تحرميني حروفك !
:(
Thanks for posting, BaTresYa!
Very good work.
Have a good weekend
لالالالالالالالالالالالا
الكلام ده مينفعش خالص
ايه الضعف واليأس ده
مفيش حاجة ستاهل كل ده
وبعدين بدل ما تتمسكي بالمكان اللي بتنفسي فيه عن نفسك
تقومي تسيبيه
اسمحيلي اقولك انك غلطانة جداااااااااا
المدونة بتبقي ساعات الامل الوحيد لينا علشان نشكي
بجد انا اتضايقت جدا والله
انا جالي شعور قفل المدونة برضو
بس ليه اقفل حاجة بتسعدني
وبتعرف فيها علي ناس كويسين
واصحاب محترمين جدا
لازم تخرجي من المود الوحش ده
صدقيني الدنيا حلوةاووووووي
وعلي رايي انا بقي
الحياة مانجة
اتمني بجد
انك تردي عليا
وتكتبي بوست عودة
بسرعة
بطوووط : مش عارف اقول غير انى جالى صدمة اول خبر اسمعة وحش قبل رمضان عموما كل سنة و انتى طيبة و لو عاوزة تعتذرى بجد اعتذرى اولا لنفسك لانك غلطتى فى حقها و اعتذرى لكل الى بيدخلو هنا علشان فكرتى و لو لحظة انك تسيبيهم و تبعدى عنهم
you gotta be kidding me !!
what goodbye ur talking about!!!
we all feel the same way in our life when no one is around and ur all on ur own
but here u write what insides u and u knew many frnds that reply and interact with u
u maybe also gained few frnds that care
so please it's just a phase and u will be ok after, so do not close the blog
if u wanna a break ok u have it but u return back to us again
sem3ty ya bent wala agee amlslek wedanek :))
لا حول ولا قوة الا بالله
لكن سنظل نزورك دوما
وتذكري أن لك اخوة وأخوات في الله لم ترينهم ولم يروكي لكنهم يدعون لك دوما
ربنا يكرمك ويوفقك ويحميكي ويهديكي ويرضيكي
تحياتي لك من ماناساس البلد
صعيدى و افتخر : فى اول يوم فى رمضان حبيت اقول ل اخت عزيزة و صديقة صعب الاقيها تانى كل سنة و انتى طيبة و رمضان كريم و يارب يا رب ترجعيلنا تانى و تعبرى كل اللى هنا اخواتك و نشوفك على خير من تانى يارب
صعب اوي ان تكون الحقيقه قدام عنيك وتغمض عينك وتتجاهلها...السنه دي اكتشفت حاجات كتير جدا...حاجات صعبه جدا...كانت قدام عنيا ومكنتش بفكر فيها...كانت جوايا مفاهيم غلط بس كنت مبسوته بيها وكنت مخدره نفسي بيها...كنت مديه نفسي سعاده وهميه ...
خايفه اوى من الكلمه دى كلمه صعبه اوى ياريت مت يكونش معظمنا كده
صعيدى و افتخر : فى اول يوم من الدراسة فى الجامعات و المدارس حبيت اقولك عام دراسى سعيد و موفق تحققى فية اللى مش حققتية فى السنة اللى فاتت و كل سنة و انتى طيبة و مش ناقص غير انى اقولك حاجة اخيرة
بجد بجد وحشتيناا يا باتريسا
مش انتي لوحدك الي مليتي نفاق الدنيا
لكن الانسحاب من الدنيا مش لينا
اللي خلقنا هو وحده اللي يملك يحدد نهايتنا
أتمني لك رمضان سعيد تستعيدي فيه معنوياتك من جديد
كل عام وانت بخير
والف سلامة علي موضوع العملية
لا بأس طهور ان شاء الله
وزي ما اخوانك واخواتك قالو لك فوق
المدونة قد تكون المتنفس الوحيد ليكي
ليه تقفليها
علي فكرة..
ده اول تعليق ليا في المدونة واللي جابني هنا مدونة تانية حاطة لينك لمدونتك
وده دليل ان في ناس كتير بيحبوكي وبيستنو كتاباتك
معتقدش ان يكون مكافأة حبهم وتقديرهم انك تسيبيهم
اتمني اشوف بوست عودة قريبا ان شاء الله
لييه؟؟
تعرفى انا فاتح صفحة الكومنتس بقالى نص ساعه بحاول ااكتب رد ومش عارف ؟؟؟؟
انا بقالى فترة النت كان فاصل ومش عارف اادخل عالناس واطمن عليهم ...
بس هحكيلك حدوتة حلوة اوى ...
المدونة هنا ...زى بيتك بالظبط...واحنا جيرانك وضيوفك اللى بيجولك كل يوم...لغاية لما جه يوم ...خبطنا عالباب لقيناه مردوود...زقيناه لقينا ورقة بتقول انك مشيتى ومش راجعه تانى
طب احنا هنقعد جوا البيت نعمل ايه من غير صاحبة البيت اللى بنقعد نتكلم معاها كتييير ونفرح بالحاجات اللى كانت بتقولها
عارفه رغم اننا مش نعرف بعض الا عالنت بس ...الا انى بحس ان كل مدون او مدونة زى عيلتى بالظبط واللى يضايقهم يضايقنى ووقت فرحهم ده يوم سادتى الكبيرة
هوا ده التدوين مجتمع بس عالنت ...
شايفه ان الحل انك تسيبى النت ...عشان زى ما بتقولى عارفه تنسحبى منه
بصى ااقولك حاجه كمان
كل واحد مننا عنده مشاكل بحجم الجبال ومش بقلل من مشكلتك...بس عمرنا ما نيجى يوم نفكر نوطى راسنا ونسكت ...
انا عندى مشكلة معينة فكرت كتيير النى ااقفل البلوج وامشى واعتزل النت كله ومش عارف ايه والحياة...لقيت انى كده بضر نفسى مش بنفعها فى اى حاجه...هما الكسبانين وانا اللى خسران ...واكبر خسران كمان ...
طب ااقولك ايه تانى عشان ترجعى تانى لمدونتك ؟؟؟؟؟؟؟؟؟؟؟؟؟؟؟؟؟؟؟
مش عارف بجد..:(
كل سنة وانتى طيبة ...رمضان كريم...
وهدخل هنا كمل يوم على امل انى الاقى منك بوست بيقول انك رجعتيلنا تانى تنورى البلوج....ونلاقى الوردة البيضا ...لسه بيضا
هقول 3 كلمات
رمضان كريم
فهمتي الحياه غلط
وحشتيناومستنينك
مش هفقد الامل انك هترجعى هنا
حتى لو بعد سنين
بس كفاية اننا بندخل هنا
ونسال هترجعى امتى
وندى لنفسنا امل تكونى هترجعى بكرة..:)
صعيدى و افتخر : طال غيابك متى يا نوارتنا تعودى على الاقل هاقولك حاجة اية ذنب كل اللى بيدخلو هنا تحرميهم منك و من كتاباتك احنا فى رمضان ربنا بجد يبعد عنك شر عبادة و يهديكى الى الصراط المستقيم و نشوفك على خير
مممممممممممممممممممم
لسه عندى امل برضه انك تدخلى
:)
على فكرة الانسحاب مش حل لأى حاجة فى الدنيا
واجهى ده احسن
ربنا يصلحلك الحال
وبإذن الله هترجعى تانى
:)
كل سنة وانتى طيبة
قربنا عالعشر الاواخر من رمضان
كل سنة وانتى طيبة..:)
صعيدى و افتخر : السلام عليكم و رحمة الله و بركاتة وحشتينا يا برتيسا وحشتينا قوى و احنا فى العشر الاواخر من رمضان احب اقولك موقف حصلى شحصيا من خمس ايام بس سبت شغلى او بمعنى تانى انطردت منة بسبب خيانة واحد صاحبى او كان صحبى لانة عاوز يشغل ابن عمة بدل منى فى الشركة الحمد لله انا مش معترض ولا اقدر اقول انى مش مضايق بس عمرى ما فكرت فى انى انسحب من الدنيا زيك كدا كنت فى وظيفة يحلم بيها اى شاب ورجعت للصفر من جديد بس الحمد لله على كل حال و قضاء ربنا و قدرة ارجعيلنا لانك بجد وحشتينا قووووووووووووى
إرسال تعليق