في بداية المدونة أحب أبدأ بإعتذار لمدونتي .. أنا لما فتحت مدونه "جروح"كنت بحبها فعلا وكل يوم كنت بغير الديزاين وممكن كنت أقعد 5 ساعات أقرأ في البوستز بتوع ناس كتير اوي وكنت مش بمل ابدا ودا يمكن كان من بدايات السنه دي او في الصيف اللي فات..وكنت بجد بحسد إللي ليهم شخصية في التدوين وفي التعبير عن الرأي..وإللي بيكتبوا فيها بشكل دوري وإللي مكونين صداقات بلوجيه..وكنت ببص لنفسي وأحس إني مجرد مشاهد وحتى لو عملت بوش لنفسي علشان اكتب حاجه كنت بحس انها بايخه ومش لذيذه وبكون عايز اقفل البلوج كله ..ودا بدأت افسره بجد انا يا جماعه محدش يعرفني ومليش صديق يمسنى مع ان عندي اصحاب كتير بس انا زي ما تقولوا فتاة غامضة حتى في نظرة عيني غموض وناس كتير قالت لي اني ماسكد فيس يعني لابسه ماسك ببوز معين في وشي وكذلك مشاعري..وعلى فكره انا احيانا بكره كدا وممكن احيانا بحب الخصوصيه اللي في غموضي واني مش كتاب مفتوح...وعلشان كدا بتجيلي نوبات اكتئاب بسبب الوحدة ..بحس اني وحيدة بجد برغم صدقاتي\..بحس بجد اني احيانا بنسى صوتي من كتر سكوتي ..يمكن صمتي هو سبب غموضي أو ممكن أنا مش بحب اكشف عن شخصيتي لأي حد غير اللي احبه..بس كمان اكتشفت اني عمر ما حبيت حد يكون صدايا...طيب هو ايه علاقة اللي انا بقوله بعدم تدويني الدوري في المدونه..السبب هو إني مش من النوع المكثرين الحديث او اني من نوع الخجول في التعبير عن مشاعري وبخاف احسن حد يقول "ياااااااه ام دي بلوج خنيقه"اصلي بخاف حد يكرهني فبمشي بسياسة اني مخليش حد يعرفني علشان يكرهني...وعلشان كدا بلوجي اتنسى ..وممكن كتير نسيوه..بس أرجع واقول اني السبب حاجات في شخصيتي السبب واكبر حاجه السبب الخجل...بس بجد هحاول اطلع من نفسي واتقمس شخصيه جريئه في التعبير يمكن أنجح ..وبردو ممكن اتاخر في ميعاد التدوينة الجيه الله اعلم لو عشنا يعني...
ملحوظة: أنا في بدايات برد وخايفه احسن تقلب عندي بحصبه فياريت ابقوا اسالوا عليا..:(
هناك تعليق واحد:
والله انا لسه مكتشف عالم التدوين قريب
وطلع عالم جميل فعلا
على الرغم من أعتقادى انها هوجه وهاتنتهى
انما واضح انه بحر غويط مالوش قرار
عموما ياستى أحسن انك ماتكشفيش شخصيتك وتطلعى كل اللى فى نفسك
ماهو ده علاج للخجل برضه
وان كنت بشوف الخجل مش وحش
هو حد لاقى خجل الايام دى خالص؟
أهم حاجه انك تطلعى اللى جواكى وبصراحه
بس كده
وسلامتك ياستى الف سلامه من البرد
ربنا يشفيكى ويعافيكى
ودمت بكل الخير والصحة والسعاده
إرسال تعليق