نفسي تكوني

ياريتك يا بلدي تكوني أكتر أمان ..

ياريت ابص فيكي محسش بالحرمان ..

ولاا ابكي على اللي دمره فيكي الزمان..

ياريت وياريت ..

ياريت نبطل نبص لأحوال الناس ..

ويكون كل واحد في حالة وإن لاقينا حد محتاج إحنا إللي ندق على بابه..

ويكون فينا الخلق الصبوروالعقل والحكمه

ونرضى بالمكتوب والقسمه

ونمشيش نتأفف في الشوارع

وكل شاب ماشي يقول انا ضايع صايع

ياريت تكوني يا بلدي احسن مكان

ويرجع ولادك طيبين

ونرجع نصدق اللي يحلف اليمين

وان كنت كرهتك في يوم ارجع واقول سامحيني

سامحي اللي كانت فاكرة انك جنه

واللي كانت طول عمرها لجنتك تتمنى

واللي خاب أملها وحلمها خانها

واللي بتطلب منك ترجعي زي ما هي تتمنى