حنين

انا بس مشتاقه....لكل حاجه كانت قديمه في حياتي...مشتاقه لأصحابي بتوع زمان...مشتاقه لنفسي زمان...كل حاجه بتاعة زمان...اصلي بقالي فتره مكتشفه اني ضيعت حاجات حلوه كتير مني حتي الحاجات اللي كانت حلوه في شخصيتي ضاعت...وحسيت بفراغ ووحده كبار وبقيت ادور علي نفسي وسط كل البوستز بتوعي ...لما دخلت هنا وقعت اقرأ موضوع موضوع معرفتنيش دلوقتي علشان كده كل ما كنت اجي اكتب حاجه اقول الناس اللي كانت بتدخل هنا كانت متعوده علي شخصيتك القديمه .... انا حسه بغربه اوي ..وندم علي حاجات كتير مأخدتش بالي منها...يمكن دي مشكلتي الاساسيه اني بفضل ارجع باالذكريات لورا ومش بعرف احب نفسي دلوقتي وامشي لقدام....اانا حاسه اني زي الطفله اللي فضلت ماسكه في عروستها وسط الناس وكانت عماله تكبر لا هي فضلت صغيره ولا عرفت تتصرف زي الكبار...انا آسفه لكل انسان حس بهجري للمكان هنا آسفه للبلوج ده اللي خلاني اكتشف حاجات في نفسي وخلاني افضفض كتير ...المشكله ناو انا عملت بلوج جديد علشان بروجت في الجامعه ...ان شاء الله هحط اللينك..علشان انا عايزه اكبر وارجع كل حاجه كانت حلوه فيه ،كل حاجه كانت بتزيدني حلاوه :d