بالأمس كنت اتحدث مع صديقاتي على المضايقات التي تلقب بالمعاكسات في الشارع ..وعلى سيارات الأجرة وما يحدث فيها...واكدوا لي ان اي فتاة يجب ان تكون في منزلها ابتداّ من الساعه ال 10 إن لم يكن مع حلول الليل...
إيه اللي حصل يا ناس بقى هي دي مصر بلد الأمن والأمان..هي دي البلد بتاعة ولاد البلد .. أنا كنت اعرف زمان أن الشاب كان بيخاف على بنت حيه او منطقته او حتى بنت بلده ..دلوقتي ابن الحي هو اللي بيدايق ؟؟!! للدرجه دي؟؟مش عايزة اقول اني بجد بقيت بكره الليل في مصر لأني مش بعرف اخرج بالليل ويوم ما بيكون عندي ظرف طارق بروح 10 ...انا اتخيل ان كام سنه قدام هيبقى في جظر تجول بالليل وابتدا من 8 زي ما في لندن وامريكا والدول الاجنبيه...والكارثه بقى لما يكون الواحد في مكان ويلاقي السكيورتي هو اللي بيعاكس ولا معيد الجامعه هو اللي بيدايق ..يعني حاميها حراميها..اقول لكم على موقف ختامي لسه حاصل النهارده الصبح طازة علشان تعرفوا ان مصر علطول امان سواء بالليل او الصبح...
كنت مستنيه انا واختي باص الجامعه ولقينا راجل لابس جلابيه شكله بتاع 40 سنه ولا حتى 50 ميديش اكبر من كدا وبيقول لاختي
الرجل : لوسمحتي ..ممكن تعديني الشارع اصلي اعمى
اختى : معلش مش هعرف اعديك
وندهت اختي على طالب مدرسي واقف جنبه ممكن تعديه هز راسه بمعنى لا
وادارت اختى وجهها الناحيه الاخرى وندهت رجل وقالت له ممكن تعديه اعمى ..
وافق الرجل وعداه الشارع ...
اللي حيرني في الموضوع ان الراجل حرك عنيه وبص لي وبص لها وقال لها لو سمحتي السؤال بيطرح نفسه ازاي عرف انا بنت ؟؟؟
السؤال التاني ازاي مشي في الشوارع التانيه وازاي مشي في الشارع قدامنا مشيه طبيعيه ؟؟؟
يبقى دا بقى كان عايز ايه الساعه 8 الصبح
يعني كمان 30 سنه كل حاجه هتبقى دلفري والبنات تخليها في البيت طول اليوم احسن لها واامن لها وتبقى تطالب بحقوق بيتها ومتبقوش تنسوا تدوا لبتاع الدلفري بقشيش : D
ليست هناك تعليقات:
إرسال تعليق